منتديات لحن العشاق الثقافي العربي
اهلاا بكم زوار المنتدى الكرام

1. تفضلو بالتسجيل فى منتدانا http://fouad7yn.grafbb.com/

2. بعد التسجيل فى المنتدى يجب ان تفعل العضوية بالذهاب الى الايميل الخاص بك ((yahoo/hot))سوف نبعت لك رسالة على رسائل ال ثم اقبلها وبهكذا تكون عضو فى منتدى ((لحن العشاق))
ملحوظةهامة : اذا لم تعرف كيف تُفَعل العضوية الخاصة بك إنتظر لليوم التالى والادارة سوف تفعلك العضوية سنبعث لك برسالة ولا تنسى اسم العضوية والرقم السرى فقط..؟
وإن لم تستطع التسجيل فقط إبعث لنا بإيميلك وبرسالة خاصة على مدير المنتدى او على هذا الإيميل (nora882006@HOTMAIL.COM)

شكرااااااااااااااعلى التسجيل فى منتدانا ((http://fouad7yn.grafbb.com

مع تحيات إدارة الموقع ((لحن العشاق))


منتديات لحن العشاق الثقافي العربي


 
الرئيسيةالبوابةاليوميةس .و .جبحـثالمجموعاتالتسجيلدخوللوحة التحكم

شاطر | 
 

 شعــــــــــــــــــــــــــــــــــــــــــــــــــــــر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حادي المطايا
المدير العام
المدير العام
avatar

mms
ذكر

عدد المساهمات : 299
نقاط : 886
التقييم : 1
تاريخ التسجيل : 17/06/2011
الموقع : في قلوب من يحبونني

مُساهمةموضوع: شعــــــــــــــــــــــــــــــــــــــــــــــــــــــر   الجمعة فبراير 10, 2012 5:02 am

الله من غياب ٍ ضيّـق صـدور المبانـي :: قبل لا الوحشه تزعزع بيتـك الصلـب وتبيـدهـ

بيتك اللي من رحلـت وكـل جدرانـه تعانـي :: ماتحمـل ينتظـر شهريـن وعيونـك بعـيـدهـ


الله العالـم لـو إنـك جيـت متأخـر ثوانـي :: ماتشوف إلا بقايـا مـن حصـاه ومـن حديـدهـ


من عرفتك وأنت تايه من موانـي لـي موانـي :: وتارك ٍ قلبي مولّـع مـن وقيـده فـي وقيـدهـ


ضاعـت سنينـي أحـد بهاليالـي وتحـدانـي :: وأنت ماتشبع غيـاب ولاتخـاف مـن النقيـدهـ


ودي أتحمـد لـك الله بالسلامـه , مامـدانـي :: كل ماتوصـل برحلـه ترجـع برحلـه جديـدهـ


دام تدري كـل وجـه ٍ غيـر وجـه الله فانـي :: ياخي أكسبلك ثواب وخاف ربـك فـي عبيـدهـ


كان فينـي عيـب قلي:فينـي العيـب الفلانـي :: كان هرجي مزعلـك فـي شـي قلي:لاتعيـدهـ


عيب تصغر في عيوني وأنت برقـاب الغوانـي :: كيف تستسهل طعوني وأنت خابرنـي وليـدهـ ؟


لعنبوك أن مت بيدك من يفكك مـن أخوانـي :: لحزنوا ربعي على فرقـاي شاللـي تستفيـدهـ ؟


أنت منت اللي عشقته أنت أكيـد انسـان ثانـي :: ليه صرت بهالبـرود وبهالاحاسيـس البليـدهـ ؟


وين حبك للزعـل , ويـن العنـاد الأولانـي ؟ :: وين حنّية زمـان وفرحـة العمـر الرغيـدهـ ؟


وين ذاك اللي اليا أقبـل مايبـات إلا بمأنـي ؟ :: وين راح اللي اليا أقفـى مايـروح ألا فقيـدهـ ؟


واحد ٍ مـن جابـه الله بـس يأمـر وَ يعصانـي :: الوحيد اللي أخافه غصب وأمشـي معـه سيـدهـ


(مابغيت أطيـح بيـدهـ) ليـن ماربـي بلانـي :: ولا أنا لو هي بكيفـي (مابغيـت أطيـح بيـدهـ )


ذاك بس اللـي يامـن جيتـه يلخبـط كيانـي :: اللـي بنظـره ينشـف دم قلبـي فـي وريـدهـ


قبل أشوفه أجمع اله أحلى القصايـد وَ المعانـي :: وأن لقيته ماعرفـت أقـول لـي جملـه مفيـدهـ


الف مـره قبلـه أعـد القصيـده مـن لسانـي :: ولعنبوه أن جيت عنده قمت أخربـط بالقصيـدهـ


أمدحه وأنـا أدري أنـه لـو تباطانـي نسانـي :: أنطحه وانا أعرفـه مجنـون وأفكـاره عنيـدهـ


من يسوي بي سواتك يالرهيـف الاسمرانـي ؟ :: منهو من الناس غيرك غلطته ترفـع رصيـدهـ ؟


من يقص(جناح طيرك)وأنت أعز أنسان جاني ؟ :: ليه أخاف(رماح غيرك)وأنت ضرباتك سديدهـ ؟


ان تبعتك , أتبعك مـن طيبـي وَ واسـع بطانـي :: ولا أنا لاجيـت أكيـد انسـان عـزالله بكيـدهـ


أقدر أنزع لك ثيابـي وألبـس ثيـاب الأنانـي :: وأقدر أطلع من عذابي والعب بـدورك وأجيـدهـ


مستعد أكسب رهاني لو بغيت أكسب رهاني ::وأخدعك بحساس كاذب وأتحدى مـن يصيـدهـ


أبك أنا لي شفت خلّي حط غيري فـي مكاني ::: والله إني لتركه وأن صـد لعشق سيد سيـدهـ


جيت مابيك تحقرني جيت أبيـك تعـز شانـي ::: جيت أبي فزعة ظلوعك من مشاعـرك البليـدهـ


خلني داخل (حدودك) وأجبـر بخاطـر زمانـي ::: أكذب بباقي (وعودك) وأصدق بلحظـه سعيـدهـ


أنتشلني مـن (بـرودك) لـو تولّـع بالمحاني ::: عطني أحساس (بوجودك) وأخذ كل اللي تريـدهـ


تكفى واليا قلت :تكفى بيـع خلـق الله عشانـي ::: لاتضيّع من يدينـي فرصـة العمـر الوحيـدهـ


يعلم الله شفـت منـك ومـن غيابـك ماكفانـي ::: كـان ماتقـدر تخفـف هـم قلبـي !! لاتزيـدهـ


شف غيابك وش يسـوي بالصـدور وبالمبانـي ::: وأنت تدري كيف كانت صدمت غيابـك شديـدهـ


والله أنك لـو وصلـت البيـت متأخـر ثوانـي ::: مالقيت إلا بقايـا مـن حصـاه ومـن حديـدهـ

_________________

يـاوقت..يكفي مابقى للعمر.. كثر اللي مضـى
تعبت أجـامل غربتي وأشكي همومي للوطن~
لمحتني (ساكت) ترى ماكل من يسكت رضا
مجبـور أصارع بلوتـي مدامها ..لعبة زمن

الرجوع الى أعلى الصفحة اذهب الى الأسفل
 
شعــــــــــــــــــــــــــــــــــــــــــــــــــــــر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات لحن العشاق الثقافي العربي :: المنتــــــــــــــــــــــــــــــديات الأدبيــــــــــــــــــــــــــــــــــــــــــــــــة :: منتدى همس القوافي للشعر الشعبي-
انتقل الى: